ക്രോം ക്രോം..... ക്രോം........ ക്രോം
കൂട്ടുകാരെ,നിങ്ങളീ ശബ്ദം എവിടെയെങ്കിലും കേള്ക്കുന്നുണ്ടോ? ഒരു പക്ഷേ നിങ്ങള് ഇല്ലെന്നായിരിക്കും
പറയുന്നത്. പക്ഷേ നിങ്ങളുടെ അച്ഛനോടും മുത്തച്ഛനോടും ഒക്കെ ചോദിച്ചാല് അവര്
പറയും അവര് കേട്ടിട്ടുണ്ടെന്ന്.ഇതു കേള്ക്കുകയാണെങ്കില്
അവര് പറയും...ദേ തവളകരയുന്നു. ഇന്നു
മഴപെയ്യും.തീര്ച്ച.ശരിയാണ് മാനത്തു മഴക്കാറു വരുമ്പോള് ഞങ്ങള്ക്കുത്സാഹമാണ്.
മഴപെയ്ത് തോടും കുളവും ഒക്കെ നിറയുമ്പോള് ഞങ്ങള് കുത്തിമറിഞ്ഞ് നീന്തി
തുടിയ്ക്കും.
എന്തു ചെയ്യാം. അതൊക്കെ ഒരു ഓര്മ്മ
മാത്രമായി. ഇപ്പോള് ഞങ്ങളുടെ വംശം അറ്റുപോയി എന്നുതന്നെ പറയാം.വല്ല
പൊന്തക്കാട്ടിലോ കുളത്തിലോ അവിടവിടെയായി ഞങ്ങളുടെ കൂട്ടര്ഒന്നോ രണ്ടോ വല്ലതും
നുള്ളിപ്പെറുക്കിയാല് കാണും. അത്ര തന്നെ.
അതു കൊണ്ടാണല്ലൊ കൂട്ടുകാരെ ഞങ്ങളെ
സംരക്ഷിക്കുവാന് ഏപ്രില് 27എന്നൊരു ദിവസം
പോലും ഉണ്ട്. പരിസ്ഥിതി ശാസ്ത്രജ്ഞനായ ഡോ.കെറിക്രിഗര് ആണ് ഇതിനു പിന്നില്.
കൊച്ചു കൂട്ടുകാരെ നിങ്ങള്ക്കൊരു കാര്യം അറിയാമോ?36 കോടി വര്ഷങ്ങള്ക്കു
മുമ്പുതന്നെ ഞങ്ങളീ ഭൂമിയിലുണ്ടായിരുന്നു.ഞങ്ങള് പെറ്റു പെരുകി ഭൂമിയിലെ എല്ലാ
സ്ഥലത്തും എത്തിച്ചേര്ന്നു.കുളങ്ങളിലും തോടുകളിലും മഴക്കാടുകളിലും ചതുപ്പു
നിലങ്ങളിലും ഒക്കെ ഞങ്ങളുടെ വീടൊരുക്കി.
ദിനോസറുകള് ചത്തൊടുങ്ങിയപ്പോഴും ആദി മനുഷന് ഭൂമിയിലുണ്ടായപ്പോഴും
ഞങ്ങളിവിടുണ്ടായിരുന്നു.
മനുഷ്യര്ക്ക് ഉപദ്രവമുള്ള കൊതുകകളേയും ഈച്ചകളേയും ഒക്കെ തിന്നു നശിപ്പിക്കുന്ന ഞങ്ങളെ ആദ്യമാദ്യം അവര്ക്ക്
വലിയ ഇഷ്ടമായിരുന്നു.
പിന്നീട് ഏതോ ഒരു ദുഷ്ടന് ഞങ്ങളില്ഒന്നിന്റെ കാല് അറുത്ത്
ഭക്ഷണമൊരുക്കി.നല്ല രുചി പിടിച്ചു. അതോടെ ഞങ്ങടെകഷ്ടകാലം തുടങ്ങി എന്നു പറയാം.രാത്രികാലങ്ങളില്
വലിയ പെട്രോമാക്സ് വിളക്കുമായി വന്ന് ഞങ്ങളെ കൂട്ടത്തോടെ പിടിച്ചു. അങ്ങനെ
തവളപിടുത്തക്കാര് ഞങ്ങളുടെ ഇറച്ചി വിറ്റ്
സമ്പാദിക്കുവാന്തുടങ്ങി.
അങ്ങനെ അങ്ങനെ ഞങ്ങളുടെ വംശം അറ്റു എന്നു തന്നെ പറയാം.
ഇവകൂടാതെ ഞങ്ങള്ക്കു താമസിക്കുവാനുള്ള കുളവും തോടും ചതുപ്പും ഒക്കെ നികത്തി
വലിയ വലിയ കോണ്ക്രീറ്റു കെട്ടിടങ്ങളും ഉണ്ടാക്കി.അതും ഞങ്ങളുടെ വംശ നാശത്തിന്
ഭീക്ഷണിയായി.
ചുരുക്കം പറഞ്ഞാല് കൂട്ടുകാരെ ഞങ്ങളില്ലാത്തതു കൊണ്ട് കൊതുകുകള് പെരുകി.
പുതിയ പുതിയഅസുഖങ്ങളും വന്നു.തക്കാളിപ്പനി,ഡങ്കിപ്പനി,ചിക്കന്ഗുനിയ എല്ലാം പടര്ന്നുപിടിച്ചു.ഇപ്പോള്
ദേ ഞങ്ങളെരക്ഷിയ്ക്കാനുള്ളശ്രമങ്ങള് മനുഷ്യര് തുടങ്ങിയിട്ടുണ്ട്.
ഞങ്ങളെ രക്ഷിച്ചാല് നിങ്ങള്ക്കു കൊള്ളാം.
നിങ്ങളെ രക്ഷിക്കാതിരിക്കുന്നതിന്റെ ബുദ്ധിമുട്ടുകൾ ഞങ്ങൾ ഇപ്പോൾ അറിയുന്നുണ്ട്.....
ReplyDeleteലളിതമായ ഭാഷയിൽ കുഞ്ഞുമനസ്സുകളിലേക്ക് പ്രകൃതിപാഠങ്ങൾ പറഞ്ഞുകൊടുക്കുന്ന നല്ല ലേഖനം.....
കുസുമേച്ചി ക്രോം ക്രാം ക്രീം ക്രൂം ഒക്കെ പറഞ്ഞു തുടങ്ങിയപ്പോൾ കരുതിയത് വല്ല മന്ത്രോം ബ്ലോഗിൽക്കൂടി പഠിപ്പിക്കാൻ പോകായിരിക്കുമെന്നാ...! ഹാ..ഹാ...
ReplyDeleteഇന്ന് തവളകളെ കാണാനേയില്ല. പ്രത്യേകിച്ച് തിന്നാൻ കൊള്ളുന്ന തരത്തിൽപ്പെട്ടവയെ. മഴക്കു മുൻപുള്ള തവളക്കരച്ചിലും ഓർമ്മകളിൽ മാത്രം. “ഞങ്ങളെ രക്ഷിച്ചാൽ നിങ്ങൾക്ക് കൊള്ളാം...!”
Pradeep Kumar
ReplyDeleteവീകെ
എന്റയൊക്കെ കുട്ടിക്കാലത്ത് ഒരു മഴപെയ്താല് മുറ്റത്തും പറമ്പിലുമൊക്കെ തവളകളുടെ ബഹളമായിരുന്നു. ഇപ്പോളൊന്നിനേം കാണാനില്ല. വലിയ പെട്രോമാക്സും കത്തിച്ച്തവളപിടുത്തക്കാരും.
അതു തന്നെ.
ReplyDeleteനന്നായി, ചേച്ചീ
തവള ജന്മം..
ReplyDeleteചുമ്മാ തമാശിച്ചതാ ട്ടോ...
ചേച്ചി പറഞ്ഞത് നേരാ...
തവളകളും ഇതുപോലെ പറയുന്നുണ്ടാകും...
ഈ മനുഷ്യരായ നമുക്ക് മനസ്സിലാകണ്ടെ..??
ന്നാലും ചേച്ചീ ഈ തവളേടെ കാലെങ്ങനെയാ വെക്കാ..?? :p
ഇനിയും തവളസംഗീതം അന്യം നിന്നു പോയിട്ടില്ലാത്ത ഒരു ഗ്രാമത്തില് വസിക്കുവാനായതില് ഞാൻ അഭിമാനിക്കുന്നു, ആഹ്ലാദിക്കുന്നു.
ReplyDeleteഅവയെന്നെന്നും അങ്ങിനെ തന്നെ നിലനില്ക്കട്ടെയെന്നാശിക്കുകയും, പ്രാര്ത്ഥിക്കുകയും ചെയ്യുന്നു.
തവള പിടുത്തക്കാരെ കുറ്റപ്പെടുത്തിയിട്ട് കാര്യമില്ല കുസുമം ചേച്ചീ.. അത്ര രുചിയാണ് തവളയിറച്ചിക്ക്.!!
തവളകൾ അനേകം പെറ്റുപെരുകിക്കൊണ്ടേയിരിക്കട്ടെ.!!